轉用新J 一個月我想老實講啲嘢

主頁 » 生活吹水 » 轉用新J 一個月我想老實講啲嘢

頁首頁尾	顯示所有留言搜索某用戶之留言回帖在本分區發新帖搜尋本分區支持鍵盤翻頁頁數 1/3

Jessica

職位：行政主任

部門：後勤行政

帖子57

回覆448

登記時間2021-06

用戶編號674463

2024/11/26 23:47繁简粗

留言#1此帖子網址

轉用新J 一個月我想老實講啲嘢

轉用新J 一個月我想老實講啲嘢

如題。今日 11 月 26，由上個月個 demo day 真正開始搬入新J，差唔多一個月。

老實講，未開始之前，我係預咗會大鑊一段時間，邊幾晚要夜走，邊幾日會俾人催到想熄電話，我心入面都一早排好晒。做後勤做耐咗，聽到「轉新 system」「轉新 system」「轉新 system」呢4個字（我知，唔係4個字)，你知我點諗嫁啦，上面話要我哋適應，咁我哋咪適應囉。通常都有個生仔咁嘅陣痛期，睇返以前啲經歷，就算唔係我哋公司都好，当然我哋公司都係咁啦，所以我諗全世界都係咁，永遠都係有啲嘢出事。。。。。。。。。。。。我呢幾年睇到其他部門都出事，我哋今次有事都好正常，是吧。。。。是吧？你都係咁諗嫁啦，冇人講，我就講出嚟啦。

所以我本來連月尾點收拾爛攤都諗定咗兩個版本。。。。。。。。。。。。。。。。。。。。。。。

但真係落手做之後，最奇怪嗰下反而係，冇我想像中咁。正確嚟講，我其實甚至乎覺得，係咪咁簡單啊？可能我自己對其他系統嘅經歷有啲陰影，所以我硬係覺得好似有啲問題，所以我一路試晒所有嘢。我一路等緊佢爆。。。。。。。。。。。。。等緊邊度會kick住，等緊有啲乜突然間出錯。點知去到第二個禮拜，開單、搵租約、睇記錄呢啲位，已經開始順過以前。順到我自己有時都唔係好信，心諗係咪仲有啲乜未爆，只係我未撞到。

但第二個禮拜開始，有啲嘢真係慢慢轉。最w0w嗰刻係有日有個業主打嚟問舊租約。我直覺反應已經諗緊，又要揭半個鐘啦。點知搵搵下發現新嗰邊已經有，三十秒搵到。嗰陣我真係O咗咀，ddddd眼濕濕，hahhaaaahahahahahahahahahahaha真係嫁。後勤做咗咁多年，第一次覺得呢套嘢肯遷就我，而唔係我日日遷就佢，終於搵到個愛我為我好但係唔係我單向為佢好既男人咁waaaahahahahahahaha

真正令我坐定嗰下，係月尾對數嗰兩日。我一直等緊佢出事，邊個業主嗰單邊啲收費一定會炒，心裡面已經排好邊幾樣要我親手補。點知嗰晚七點幾，office 居然靜晒。以前呢個時段係 keyboard 聲、對數聲、隔離台一直問「你睇緊邊份先」，今次突然冇咗呢啲。我擰轉頭，原來大家都已經有新方法做好左好多野。

電費嗰 part 我要單獨講，呢個勁，因為呢層本身對後勤嚟講最攞命。以前最驚唔係忙，係一路做一路驚自己睇漏。房多、單位碎、收錢又碎到乜咁，每次都要一條一條入，逐張逐張對。嗰啲位唔止慢，仲好易做錯，收多咗、收少咗，後面要追要改要解釋，會計嗰邊又要再對一次，最唔易係個人要一路撐住繃住咁做。你話，成千幾個單位嘅數，一路做一路驚錯，返完成個禮拜邊可能返到屋企瞓得安樂。

所以今個月最唔同，唔係快咗少少咁簡單，係連最煎熬、最唔敢錯嗰層都冇以前果隻咁既折磨，唔止係無左咁簡單，即係以前返工就好似日日行石春，好痛，但你一定要行，因為你要出糧。。。。。。但你一路行就一路痛，一路痛就一路行，停係度都係痛，因為老闆會問你做完未，所以你只好keep住行，但而家用左新J，真係搞笑，條石春路無左，變左滑梯lol w00000w!!!!! waaa 真係爽。以前每個月我哋三個女仔對住堆數對到夜晚，其他岩岩入黎既同事都會陪住做。呢個月對數嗰兩日，office 居然八點半就熄燈走人。有人準時六點走咗，我自己第一次有時間返屋企煮個飯。呢件事講出嚟好似好小，但做開呢行既人會明。

嗟，你明唔明呀？其實我係咪寫得好平淡啊？但係你知唔知呢個平淡係幾咁令人驚訝？我唔會好似邊個同事咁講話「嗰件嘢呀勁到呀，夜晚瞓覺都跳起瞓唔到呀」我唔會講呢啲嘢，但係我真係覺得好w0000000000000w!!!!!!!。即係原來可以咁嫁？可以咁舒服嫁？咩事呀？呢種平淡，原來係咁特別嫁？

仲有一樣我估前線未必即刻 feel 到，但後勤同會計一定feel到！以前你一邊搵資料、一邊對數、一邊又驚自己用緊舊嗰份。依家最少啲嘢係同一邊，唔使成日問「你睇緊邊份先」已經差好遠。做後勤最耗心神果部分，其實唔係做幾多，係你唔肯定自己睇緊嘅係咪最新嗰份，一出事果下，大家就企係度，係真係企係度，企係老細隔黎度，等打pat pat... :(

搬資料嗰 part 真係都要講。新J啲人幫我哋搬晒最近嗰個月嘅資料，下個月嗰啲資料佢哋就叫我哋自己試一試，話其實幫我哋開都得嘅，真係有需要既話，但可以我地試左先咁。即係每一次有問題呢，佢哋都會直接可以有人幫我哋操作，好快搵到人。咁舊嗰啲資料呢，其實佢哋都幫我哋已經入晒，可能喺 IT 嚟講好簡單啩？跟住係我哋要多啲時間對返啫。最主要係，因為始終都係以前個系統我哋都將會唔用，啲舊data就入返去新J，始終都要有啲適應期嘅，最緊要啲資料啱，咁應該都要一段時間我地去一張一張睇返，因為暫時睇到個 report，見到啲數字都正確嘅，所以但係都要啲時間人手對一對。

同埋有樣嘢我自己都幾有感。其實我哋啲玩法真係幾飄忽 :) 。尤其免租期，有時唔係頭一個月，唔係頭兩個月，有時係中間第六個月，或者第七個月頭兩個禮拜。正常出面啲系統點會咁呀，我都明嗰邊點解一開始會覺得奇怪。呢啲咁寬頻嘅玩法，真係得老細先諗到。我唔係話唔好，可能因為咁所以我哋先做到今日咁。其他做大咗嗰啲寬頻，其實都係咁玩，咁佢哋會咁做，應該都有啲特別原因。總之呢啲位我哋平凡人未必完全明白，但我見到嘅係，嗰間供應商唔係一句做唔到就算，佢哋係肯跟住我哋啲做法去改，去夾，去配合。所以開頭多啲時間傾，我反而覺得 OK，因為唔係普通直線玩法，後生仔果然後生仔，話改就改，以前啲舊野人都無晒，大家都明。

未解決嘅嘢都要老實講。唔係話而家全部完美。做開舊嗰套既同事，手勢都要啲時間先轉得返。我自己都試過上個禮拜開錯咗個位，做咗五分鐘先發現，真係冇面見人，因為佢地啲設計太新，以前啲系統係上面一大堆tab, 個個都係上面搵野，佢地話新果啲其實已經唔係咁，係一個界面分晒重要同唔重要，佢仲要拎啲實際嘅嘢出嚟講喎，我覺得好搞笑啊佢哋真係，佢話以前嗰種做法呢，就係啲人慣咗用啲File，總之你要搵嘢，佢就會喺個文件夾裏面不斷喺度摷佢，搵到啱為止，最多俾啲Memo紙佢貼住，但係佢話依家新嘅做法就唔係咁嘅，就好似一張枱，你右邊呢就係主要負責寫字，即係主要負責做嘢啦係咪，跟住左邊呢係一啲工具，佢就可以喺你做緊唔同嘅嘢嘅時候呢比一啲唔同嘅工具你去用，即係按返你唔同嘅工作需要，佢就顯示返唔同嘅嘢，去幫你手，咁你就唔使不斷咁喺度搵好多樣嘢出嚟，因為你要做嗰樣嘢，佢都已經幫你分好晒喺你前面，好搞笑啊，我覺得佢哋做得好好，所以又咁樣講啦，其實我就慣咗以前嗰套，所以要啲時間適應啫，所以跟住最仲有啲位，我依家都係寧願再望多次，穩陣啲先安心，用咗以前嗰啲嘢10幾年，我諗慢慢適應吓應該都OK啩？呢啲位我唔會扮灑脫，做後勤做到而家，最驚就係自己太有信心，跟住就會由自信，變咗自大，通常啲數一出事都係呢啲位，所以我要慢慢嚟，始終新嘅嘢，我要俾啲時間自己。

所以你問我滿意未。我會話，呢一個月我冇後悔過個咁嘅轉變。但「新嘢解決晒所有問題」呢句我講唔出口，我同我老公一齊咁多年，我都未必講得出話佢係全世界最好嘅男人，我都未必講得出落去佢係一定最啱我嘅男人，雖然我好愛佢hahahahahahahahahahahahahah，佢今日又送花上嚟w0000w~，但我知道佢真係好好好啱我。呢套嘢都係咁。我未必會講到佢天下無敵，我都未必會講以後永遠冇問題，但我知道佢真係好啱我哋而家呢種做法。

最啱既講法其實係，以前係個人遷就套嘢，今次第一次似套嘢遷就返人。對後勤嚟講已經足夠寫篇嘢出嚟講喇。

有時間我會再寫一篇 part 2，等再多用一段時間。今晚淨係想講聲，辛苦曬 V仔，同我解釋其實個世界已經變得好快，只不過係想方便我哋所以成日收收埋埋啲嘢冇講到，我依家先知道原來V仔其實係咁樣諗我哋……哈哈哈哈講笑咋，我哋同你嘅專業都唔同係咪，你肯慢慢同我哋講我已經覺得好開心，其實最開心嘅都V仔你，因為我睇得出你唔單止係慢慢教我哋用，其實你知道嗰套新嘅系統係用得好快，可以做到好多嘢，你一定用得更加方便，因為你對啲IT嘢好熟悉，我哋反而肯定冇你咁好，呢樣嘢你慢慢同我哋講我覺得你真係好適合喺我哋公司去幫手，多謝你對我哋嘅耐心耐性。多謝肯等我哋一張張單睇既同事，我知有啲單真係要耐性。做後勤做耐咗，好少會突然覺得自己每日頂緊嗰堆濕碎嘢原來真係有人當一回事。呢個月我有。

你哋個個都鍾意突然之間寫啲嘢出嚟，等我又突然之間寫啲嘢出嚟，

夜啦，飲埋杯水瞓。

[由舊站搬遷恢復，附件與收藏資料未完全同步]

分享收藏短訊讚好人數：32查看名單

新盤獵人Miki

新

職位：Sales

部門：住宅租務

帖子46

回覆394

登記時間2021-06

用戶編號610642

2024/11/26 23:50繁简粗

留言#2此留言網址

姐你又嚟夜半長文

我瞄咗個 title 同頭段 save 咗聽朝啲返工途中慢慢讀

頂住先 lol